رويدا

رويـــــــــــــــــــــــــــــــــــــــدا

وثب من رحم الشوق الدفين		نحن أبناء المجاهد سنين
قاتل بعزيمة مرفوع الرأس		مؤمن بقضية في سبيل الدين
ما كان سلاحه صاروخ وكلاش		كان سهم وسيف وسكين
ما راكب دبابة ولا جيب ومدرعة		كان جمال وحمير وحصين
كانت غابة قطع شجرتها ­		طرد أسدها وقتل فيها ثعابين
كانت ترك وإنجليز وأرمن		وبشر كثير غرباء فاسدين
زرع أرضها ثمار وخيرات		فرش الأرض بالفل والياسمين
حلفت قسم بالله ويمين		نحن أهل التراب وحماة الدين
كرمنا مزن وسحاب في السماء		يهطل يعم يشمل حتى المذنبين
يسيل وديان تفرح نفوس		الخلق والأطفال والمضغة جنين
قولي ليهم جدي البرق الساطع		خالي بطل شجاع وأمين
ذكريهم سيفه السنين القاطع		عمي درار ريحانة البساتين
رويدا حقول القطن الباكي		جفت أوراقك وبت حزين
الليلة نجبر كسر الجدول		بكرة تزهر تصبح ريان
نتنسم عبير الورد الباسم		نقطف لوزك من بين الأغصان
حبة فول وسنبلة قمح		تبقى الزراعة بترولنا ضمان
همباتي يدوبي راكب حاشي		وراعي يصفر خلف القطعان
نقهر الخنوع نشد الحيل		نزيل الفقر والحاجة والحرمان
أنت الأولى هي الثانية ما مهم		المهم تنافس شريف بين الأخوان
نملأ الكون إشراق ومحبة		والإلفة تسكن جوه الوجدان
عشان الزرع والأرض الخضراء		سجاد يفرش أرض السودان
سلة العالم تكون متنوعة		بكل أشكال غذاء الإنسان
الناس الصامتة مطحونة غلابة		صبرها تعدى حد الغليان
الرماد مدفون بارود وشرارة		لهب فجر جبل البركان
أكلت من تراب ومجد الأرض		رضعت لبن العزة والإيمان
بنت الشوبة والمروءة والنفير		ما يرضيني زول هوين سجمان
لو قمت بسطت العدل والخير		لو نمت أنوم براحة واطمئنان
عندي اللوح والكراس والكتاب		القلم والدواية لبيتنا عنوان
درب العلم لو في الصين		أمشيه من غير نعال حفيان
أبوجهاد - بريدة - السعودية